തുഷാരഗിരി

 9.1.2022

വിൻറ് ഫ്ലവർ റിസോർട്ടിനോട് യാത്ര പറയുകയാണ്. ഇനി തുഷാരഗിരിയിലേക്കാണ്.

കോഴിക്കോട് ജില്ലയിലെ പ്രശസ്തമായൊരു ടൂറിസ്റ്റ് ഡസ്റ്റിനേഷനാണ് തുഷാരഗിരി. ദിനംപ്രതി നൂറുകണക്കിന് സഞ്ചാരികളെത്തുന്ന സ്ഥലം.

ഫോട്ടോ ഷൂട്ടിന് പറ്റിയ ധാരാളം സ്ഥലങ്ങൾ അവിടെയുണ്ട്. പലയിടങ്ങളിലും ഇരിപ്പിടങ്ങൾ സജ്ജമാക്കി വെച്ചിട്ടുണ്ട്. അതിലിരുന്ന് കൊണ്ട് വെള്ളചാട്ടം കാണുകയെന്നത് സുന്ദരമായൊരു അനുഭവം തന്നെയാണ്. വാട്ടർ ഫാളിനെ പശ്ചാത്തലമാക്കി ഫോട്ടോകളെടുക്കാവുന്ന ഇരിപ്പിടങ്ങളുമുണ്ട്. അവിടെ നിന്ന് നോക്കുമ്പോൾ, അഗാധമായ താഴ് വരയുടെ പച്ചപ്പാണ് മുന്നിൽ.

ചെറിയൊരു തൂക്കുപാലം കടന്ന് വേണം വെള്ളച്ചാട്ടത്തിനടുത്തെത്താൻ. പാലം കഴിഞ്ഞ് ഇടത് വശത്തേക്ക് നടന്നാൽ താന്നിമുത്തശ്ശിയുടെ അടുത്തെത്താം.

ആരാണ് താന്നിമുത്തശ്ശി ? അതൊരു മരമാണ്. 

അകം പൊള്ളയായ വലിയൊരു താന്നിമരം. മരത്തിനുള്ളിൽ കയറി നിന്ന് മുകളിലേക്ക് നോക്കുമ്പോൾ, അമ്പിളിമാമനെപ്പോലെ ആകാശം കാണാം. അങ്ങ്, തലയറ്റം വരെ പൊള്ളയായ മരം.

തൂക്കുപാലത്തിൻ്റെ വലതു വശത്താണ് വാട്ടർ ഫാൾ. ഞങ്ങൾ അങ്ങോട്ട് ചെന്നു. ധാരാളം ജനങ്ങൾ വന്നിട്ടുണ്ട്.

വെള്ളച്ചാട്ടത്തിന് ശക്തി കുറവാണ്. നല്ല തണുത്ത ജലം. അതിൽ കുട്ടികൾ നീന്തിക്കളിക്കുന്നുണ്ട്. തെളിഞ്ഞ വെള്ളം.

ഇത്രയും കാലം അടച്ചു കൂട്ടപ്പെട്ടിരുന്നതിനാലാകാം, ലോക് ഡൗണിന് അൽപ്പം ഇളവ് ലഭിച്ചപ്പോളേ വിനോദ സഞ്ചാര കേന്ദ്രങ്ങളിലെല്ലാം നല്ല തെരക്ക് തന്നെയാണ്.

വിൻ്റ് ഫ്ലവർ റിസോർട്ട്: ഇവിടെ അമർത്തുക